Лечемия ва Нил Боготада тенгсиз бўлишди

Мусобақанинг жуфтликлар баҳсида ғолибалар аниқланди. Ҳал қилувчи финал учрашувида франциялик Эликсан Лечемия ва америкалик Ингрид Нил руминиялик Михаэла Бузарнеску ҳамда германиялик Анна-Лена Фридзам ҳамкорлигини мағлуб этишди - 6/3, 6/4.

Бир соату 13 дақиқа давом этган баҳсда Эликсан ва Ингрид ҳамда Михаэла ва Анна-Лена ҳам биттадан эйс зарбасини амалга оширишди. Copa Colsanitas турниридаги муваффақиятли иштирок Лечемия ва Нилга 10,300 АҚШ доллари ҳамда 250 рейтинг очкосини тақдим этди. Бузарнекску ва Фридзам эса 6,000 доллар ва 180 очко ишлаб олишди.