Легионерлар. Бугун Шомуродов, Ғаниев ва Эркинов жамоалари ўйнайди

МФЛ

Миллий футбол лигаси 26-турида Вагиз Галиулин ҳаракат қиладиган "Нефтехимик" клуби айни пайтда "СКА-Хабаровск" меҳмони бўлмоқда. Мазкур учрашув натижаси ҳақида кейинроқ хабар берамиз.

Шунингдек, МФЛдаги яна бир ҳамюртимиз, ҳужумчи Ҳусайн Норчаев ҳаракат қиладиган "Алания" жамоаси сафарда "Велес" билан баҳс олиб боради. Баҳс Тошкент вақти билан 16:00 га белгиланган. 

РПЛ 

Ярим ҳимоячи Ҳожимат Эркинов ҳаракат қиладиган "Торпедо" Россия Премьер-лигаси 22-тури доирасида "Факел"га қарши баҳс юритади. Баҳс 16:00 да старт олади.

А Серия

Ўзбекистон терма жамоаси сардори Элдор Шомуродовнинг "Специя" жамоаси Италия А Серияси 29-турида "Фиорентина" майдонига сафар уюштиради. Учрашув 17:30 да бошланиши режалаштирилган.  

БАА Про лигаси

"Шабаб Ал Аҳли" БАА чемпионати 22-турида ўз майдонида "Ал Батаэҳ"ни қабул қилади. Азиз Ғаниев жамоаси айни пайтда лига пешқадами бўлиб турибди. Рақиб эса 12-ўринга жойлашган. Жамоалар ўртасидаги баҳс 23:00 да бошланади.