Леон Эдвардс Билол Муҳаммадга реванш бермайди, унинг нишони - Камару Усман!

Бунга рейтингнинг учинчи поғонасидан жой олган Эдвардснинг рақиби кўзига қўлини тиқиб олгани сабаб бўлганди. Жангдан сўнг ўтказилган матбуот анжуманида Леон ўз қилмиши учун кечирим сўраб, бу ишни атайин қилмаганини айтган. 

"Афсусдаман. Лекин бу ишни атайин қилмадим. Жангдаги ҳолат. Режаларимга тўхталиб ўтсам, кейинги рақибим UFC чемпиони Камару Усман бўлиши керак. Мен бунга ҳақлиман. Саккизта ғалабали серия чемпионлик жангига ҳақли эканимга далолат. Бугун кетма-кет қозонилган тўққизинчи ғалабага яқин эдим. Мен бу жангни ютдим. Шу боисдан реванш жанги ҳақида гап-сўз бўлмаслиги керак. Менга чемпионлик жанги беринглар. Ҳозир 29 ёшдаман ва ўтган давр мобайнида кўп нарсага улгуролмай қолдим. Душанба куни UFC раҳбари билан учрашаман ва шу масалада гаплашиб оламан", - деди Эдвардс.