28 май 07:22
Янгиликлар
Теннис
Лион (ATP). Артур Фис бош совринни Францияда олиб қолди
Франциянинг Лион шаҳри мезбонлик қилган ATP турнири мезбон теннисчининг ғалабаси билан якунланди.
ATP рейтингида 112-поғонада бораётган франциялик Артур Фис ҳал қилувчи финал учрашувида дунёнинг 28-ракеткаси, аргентиналик Франциско Черундолони мағлуб этишни уддалади - 6/3, 7/5.
Бу теннисчиларнинг ўзаро ўтказган илк учрашуви эди. Тўқсон тўрт дақиқа давом этган баҳсда Фис 2, Черундоло 1 та эйс зарбани амалга оширди. Бу Фиснинг фаолиятидаги илк ATP соврини бўлди. У 250 рейтинг очкоси ва 85,605 евро мукофот пулини ҳам қўлга киритди. Янгиланган рейтингда француз 63-ўринга кўтарилади ва Топ-100да дебют қилади. Черундоло эса бир ҳафталик меҳнатидан 150 очко ва 49,940 евро ишлаб олди.
Ҳавола :
Манба : gotennis
Фикрлар