Лионель Месси афсонавий клубнинг фахрий аъзосига айланди

"Олтин тўп" 8 карра соҳибининг ютуқларига бағишланган тантанали маросим Буэнос-Айресда бўлиб ўтди. Бу ҳақда клуб матбуот хизмати маълум қилди.

Клуб президенти Стефано Ди Карло ҳамроҳлигида юлдузли ҳужумчига расмий фахрий аъзолик картаси, эсдалик нишони ҳамда унинг фамилияси ва рамзий 10-рақам туширилган муқаддас "Манто Саградо" либоси топширилди.

Тадбир афсона халқаро футбол билан хайрлашган "Монументаль" стадионида бўлиб ўтди. Клуб раҳбарияти сардорнинг Аргентина спорти довруғини оширишга қўшган улкан ҳиссасини алоҳида эътироф этиб, футболчи ўз исмини клуб тарихи билан мангу боғлаганидан фахрланишини билдирди.

Таъкидлаш жоизки, Месси ёшлигида "Барселона"га ўтишидан сал олдин "Ривер Плейт" академиясида кўрикдан ўтганди, "Монументаль" стадиони майдони эса икки ўн йиллик давомида ҳужумчи учун Аргентина терма жамоаси баҳсларидаги асосий бахтли маскан бўлиб қолди.