Лионель Месси "Интер Майами" қароргоҳига қайтди

Америка клубининг ижтимоий тармоқлардаги саҳифасида базага келган футболчилар, жумладан, аргентиналик ҳужумчининг бир нечта суратлари эълон қилинди.

"Бугунги келиш ҳис-ҳаяжани бошқача сезилмоқда", – дейилади "Интер Майами"нинг ижтимоий тармоқлардаги саҳифасида сурат остига ёзилган изоҳда.

Шунингдек, клуб қароргоҳига ҳужумчилар Херман Бертераме, Даниэль Пинтер ва Луис Суарес, ҳимоячилар Йен Фрэй, Эсекьель Абадья-Реда, Серхио Регилон ва Ноа Аллен, ярим ҳимоячилар Каземиро ва Давид Айяла етиб келишди.

Аввалроқ Месси 2026 йилги жаҳон чемпионатидан кейин илк бор омма олдида кўриниш берган эди. Ҳал қилувчи баҳсда Испания терма жамоасига 0:1 ҳисобида имкониятни бой бериб, кумуш медалларга эга чиққан Аргентина терма жамоаси мусобақа финалига қадар етиб борганди. 39 ёшли ҳужумчи ўзининг туғилиб ўсган Росарио шаҳрида футбол ўйинига ташриф буюрди. У Аргентинадаги Примера C чемпионати доирасида Росарионинг "Леонес" ва "Сентраль Кордова" жамоалари ўртасидаги баҳс вақтида мухлислар томонидан ўғли Матео билан бирга кўриб қолинди.