Ломаченко - Лопес. Арум нега шартномада реванш банди йўқлигини айтди

"Top Rank" промоутерлик компанияси раҳбари Боб Арум нега Теофимо Лопес ва Василий Ломаченко ўртасидаги шартномада реванш ҳақида банд йўқлигига изоҳ берди.

Арумнинг таъкидлашича, шартномада реванш ҳақидаги банднинг бўлиши бу промоутерларнинг ўз жангчисига ишонмаслигини билдиради.

"Мен реванш бўлишига ишонмайман. Эдди Хирн каби промоутерлар ҳар бир шартномага реванш ҳақидаги бандни тиқиштиришга уринишади. Бу эса ўз жангчиларига ишонмаслик белгиси.

Бу борада менинг қарашларим қуйидагича: Боксчилар жанг қилишсин, жангдан сўнг ғолиб ва мағлуб бўлиши аниқ. Шундан сўнг, агар жангчилар реваншни хоҳлашса, реванш бўлади. Ҳаммаси боксчиларнинг ўзига боғлиқ. Мен фаолиятим давомида бирор шартномада реванш ҳақида бандни талаб қилмаганман», -деди Боб Арум.