Лондондаги UFC турнирининг асосий жанги айтилди

Россиялик Мовсар Евлоев ва британиялик Лерон Мёрфи ўртасидаги эҳтимолий даъвогарлик жанги UFC Fight Night 270 турнирининг асосий тўқнашуви бўлиши айтилмоқда. Иккала ярим енгил вазн тоифаси вакиллари ҳам ҳали мағлубиятга учрамаган. Улар промоушенда тўққизта ғалабали сериясига эга. 

Мовсар Евлоев сўнгги жангда ҳакамларнинг якдил қарори билан Алжамейн Стерлинг устидан ғалаба қозонган. У август ойида Аарон Пико билан тўқнаш келиши керак эди, бироқ жароҳат олиб, жангдан "ечилди". Натижада Мовсарнинг ўрнини эгаллаган Лерон Мёрфи америкалик аралаш яккакураш устасини биринчи раунддаёқ нокаутга учратди.

Айни пайтда россия ҳамда британиялик жангчилар UFC ярим енгил дивизиони рейтингида мос равишда биринчи ва тўртинчи ўринларни эгаллаб турибди. Улар ўртасидаги жанги ғолиби эса 31 январга белгиланган Александр Волкановски - Диего Лопес чемпионлик жанги ғолиби билан тўқнаш келиш учун асосий номзод бўлади.