Мадрид "Мастерс". Жуфтлик турнирида бош соврин соҳиблари маълум

Мусобақанинг жуфтликлар ўртасидаги баҳсларида чемпионлар аниқланди. Америкалик Себастьян Корда ва австралиялик Жордан Томпсон жуфтлиги Мадрид "Мастерс" чемпионига айланишди. Улар ҳал қилувчи финал учрашувида уругвайлик Ариэл Бехар ҳамда чехиялик Адам Павлашек ҳамкорлигини 6/3, 7/6(7) ҳисобида таслим этишди. 

Саксон тўққиз дақиқалик баҳсда Корда/Томпсон жуфтлиги 3, Бехар/Павлашек эса 2 та эйс зарбасини амалга оширган. Брейклар ҳар иккала жуфтликда ҳам биттани ташкил қилган. Қўшхатолар вице-чемпионларда кўпроқ бўлди - 3 га 2. 

Бу чемпионларнинг ҳамкорликда қўлга киритган илк совринлари эди. Улар 1000 рейтинг очкоси ҳамда 391,680 евро мукофот пулини қўлга киритишди. Бехар ва Павлашек эса бир ҳафталик меҳнатларидан 600 очко ва 207,660 еврога эга бўлишди.