Мадрид "Мастерс" турнири якунланди. Бош соврин кимга насиб этди?

Мусобақа бош соврини учун кечган финал учрашувида дунёнинг саккизинчи ракеткаси россиялик Андрей Рублёв ATP рейтингида 35-поғонада бораётган канадалик Феликс Ожега қарши кортга чиқди. 

Икки соату 49 дақиқа давом этган баҳсда Рублёв рақибини 4/6, 7/5, 7/5 ҳисобларида мағлубиятга учратиб, Мадрид "Мастерс" чемпионига айланди. Иродали ғалаба унга фаолиятидаги иккинчи "Мастерс" турнири чемпионлигини тақдим этди. Теннисчиларнинг ўзаро учрашувларидаги ҳисоб Андрей фойдасига янада йириклашди - 5:1

Финал статистикаси:

Андрей Рублёв - 7 та эйс, 5 та қўшхато, 3 та брейк

Феликс Оже - 14 та эйс, 5 та қўшхато, 2 та брейк

Россиялик теннисчи бугун эълон қилинадиган янгиланган ATP рейтингида 6-ўринга кўтарилиб олади. У Мадриддаги муваффақиятли иштирокидан 1000 рейтинг очкоси ҳамда 963,225 АҚШ доллари миқдорида мукофот пули ишлаб олди. Оже эса 650 очко ва 512,260 долларга эга бўлди. Канадалик янгиланган рейтингда Топ-20`га қайтади.