Мадримов - Кроуфорд кардига янги жанг қўшилди. Яна бир машҳур боксчи ҳамюртимизнинг андеркардида рингга чиқади + ПОСТЕР

Оқшомнинг марказий жангида супер яримўрта вазн тоифасида WBA йўналиши бўйича жаҳон чемпиони Исроил Мадримов ўз камарини америкалик машҳур боксчи Теренс Кроуфорддан ҳимоя қилади.

Мазкур бокс оқшоми доирасида супер яримўрта вазнда собиқ WBO чемпиони Тим Цзю Вержил Ортис билан жанг қилиши лозим эди. Аммо Цзюнинг жароҳати туфайли ушбу жанг бекор қилинди.

Ташкилотчилар кардга янги жанг қўшишди. Унга кўра, оғир вазн тоифасида америкалик таниқли боксчи Жаред Андерсон конголик Мартин Баколе Илунгага қарши рингга кўтариладиган бўлди.