25 авг 10:40
Янгиликлар
Бокс/ММА
Мадримов учун имкон: Кроуфорд чемпионлик камарини вакант қолдиради
14 сентябрь куни АҚШнинг Лас-Вегас шаҳрида йирик проф бокс оқшоми ўтказилади.
Мусобақанинг марказий жангида америкалик чарм қўлқоп устаси, супер ярим ўрта вазн тоифасида WBA йўналиши бўйича жаҳон чемпиони Теренс Кроуфорд Мексика вакили Сауль Альваресга қарши рингга кўтарилади.
Маълум бўлишича, Кроуфорднинг Альварес билан жанги бошланиши биланоқ унга тегишли WBA камари вакант мақомига ўтади.
Ҳозирда ушбу йўналишнинг вақтинчалик камари Аббас Барауга тегишли ҳисобланади.
Ёдингизда бўлса, Кроуфорд чемпионлик камарини 2024 йил август ойида ҳамюртимиз Исроил Мадримовни очколар ҳисобига кўра мағлуб этган ҳолда қўлга киритганди. Ҳозирда Мадримов ушбу ташкилот рейтингида 5-ўринни эгаллаб турибди.
Ҳавола :
Манба : Boxer TV
Фикрлар