Мадримовнинг вазнидаги чемпион Фундоранинг навбатдаги жанги тафсилотлари очиқланди

Вазнига нисбатан баланд бўйли Фундора 18 октябрь куни АҚШнинг Лас-Вегас шаҳрида ташкил этиладиган профессионал бокс оқшомида яримўрта вазн тоифасида собиқ жаҳон чемпиони Кит Турманга қарши жангда чемпионлик камарини ҳимоя қилади. 

Ўтган йили Себастьян Фундора айнан жароҳат олган Турманнинг ўрнига биринчи ўрта вазнниг ўша пайтдаги WBO йўналиши чемпиони Тим Цзюга қарши рингга чиққанди. Март ойида ўтказилган жангда Фундора Цзюни мағлуб этиб, WBO ва WBC камарлари соҳибига айланган эди. 

Шу йил Фундора Цзюга қарши реванш жанги учун WBO камаридан воз кечди. Июль ойида ўтган реваншда у австралияликни муддатидан аввал таслим этди. Энди эса Себастьян 36 ёшли Кит Турман билан жанг бўйича келишувга эришди. Турман шу йилнинг март ойида уч йиллик танаффусдан сўнг ғалаба билан қайтганди.