12 мар 10:32
Янгиликлар
Бокс/ММА
Мадримовнинг вазнидаги Тим Цзю муддатидан олдин рақибини мағлуб этди
Сиднейда профессионал бокс оқшоми ўз ниҳоясига етди.
Кечанинг марказий жангида австралиялик Тимофей Цзю америкалик Тони Харрисонга қарши жанг ўтказди.
Ушбу жанг биринчи ўрта вазн тоифасида вақтинчалик WBO камари учун ташкил этилди. 12 раундлик жанг 9-раундга келиб ўз якунига етди. 9-раунд якунланишига оз вақт қолганда Цзю рақибига зарбалар сериясини уюштирди. Харрисон эса бу вазиятда ўзини ҳимоя қила олмади. Шундан сўнг рефери жангни тўхтатди.
Шу тариқа Цзю биринчи ўрта вазн тоифасининг WBO йўналишида вақтинчалик чемпионга айланди.
Эслатиб ўтамиз, ушбу вазнда тўртта камар америкалик Жермелл Чарлога тегишли ҳисобланади.
Ўзбекистонлик боксчи Исроил Мадримов ҳам айнан шу вазнда ўз жангларини ўтказади.
Ҳавола :
Манба : olamsport.com
Фикрлар