24 окт 10:14
Янгиликлар

Теннис

Мағлубиятга учраётган Истомин тай-брекда ғалабани илиб кетди

Хитойнинг Лужоу шаҳрида “Челленжер” туркумига кирувчи турнир давом этмоқда.

Соврин жамғармаси 54 160 АҚШ долларини ташкил қилувчи ушбу турнирда мамлакатимизнинг биринчи ракеткаси Денис Истомин ҳам муваффақиятли иштирок этяпти. ATP рейтингида 211-ўринни эгаллаб турган Истомин иккинчи босқичда рейтингнинг 467-поғонасидан жой олган япониялик Макото Отини 7:6(3), 6:3 ҳисобида мағлуб этганди.

Ҳамюртимиз ҳозиргина якунига етган нимчорак финал баҳсида қийин ғалабага эришди. Истомин 1 соату 56 дақиқа давом этган учрашувда дунёнинг 136-ракеткаси ҳисобланган канадалик Стивен Диасни 4:6, 7:6(4), 6:0 ҳисобида таслим этди. Денис иккинчи сетда тай-брекдан чиқиб кетиб, чорак финалга йўл олди.