Магнус Карлсенни мағлуб этган Жавоҳир Синдаров "Titled Tuesday" турнири ғолиби бўлди + ФОТО

Ёш гроссмейстеримиз мусобақанинг кечки дастурида 11 имкониятдан 10 очко тўплаб, турнир ғолиби бўлди. Иккинчи ўрин жаҳон тождори, норвегиялик Магнус Карлсенга насиб этди. 

Эътиборлиси, Синдаров чемпионлик масаласини ҳал қилган партияда айнан Карлсенни мағлубиятга учратган. Жавоҳир Магнус Карлсендан ташқари Алексей Сарана, Эндрюс Танг, Леви Розман сингари таниқли гроссмейстерларни ҳам енга олди.

Маълумот учун, "Titled Tuesday" турнири Chess.com сайтида ўтказиладиган машҳур онлайн мусобақа ҳисобланади. Унда дунёнинг турли бурчакларидан "titled", яъни шахматда энг камида спорт устаси унвонига эга бўлган шахматчилар блиц форматида дона суришади. Турнирнинг мукофот жамғармаси 1600 АҚШ долларни ташкил этади. Биринчи ўрин соҳиби 750 АҚШ долларини қўлга киритади.