Магомед Анкалаев қайси жангдан сўнг фаолиятини якунлашни истаганини айтди

У 2018 йилнинг март ойида шотландиялик Пол Крэйгга мағлуб бўлган жангини эслади. Ўшанда Анкалаев сўнгги сонияларда таслим бўлиб, имкониятни бой бериб қўйганди. 

"Мен энг катта лигадаги энг ёмон мағлубиятни қабул қилганман десак бўлади. Жанг тугашига сониялар қолганида таслим бўлганман. Бу мағлубият ҳаётимни ўзгартириб юборди. Аввалига қийин бўлди. Мен бир ой давомида одамларга кўринмай юрдим. Энди жанг қилмасам керак деб ўйлагандим. Кейин эса гап фақат ўзимда эмаслигини тушундим. Мен қўлимдан келганини қилдим. Барчаси Яратганнинг иродасига боғлиқ. Машғулотларга қайтдим, спорт залига келиб, боримни бердим. Барчасини спорт залда қолдирдим ва натижаларга эришдим", - деди Анкалаев.