"Магомед ҳалиям Перейрани нокаут қилиш истагида" - менежер

Анкалаев 4 октябрь куни Лас-Вегасда бразилиялик Алекс Перейра билан реванш жанг ўтказади.

"Нияти ҳали ҳам ўзгармаган. Магомеднинг ҳолати аъло. У икки ҳафта аввал АҚШга жўнаб кетган. Жангга беш ҳафта қолганда шу ерда тайёргарлик кўриши, иқлимга мослашиш учун. Ҳозир Вегасда машғулотда, камарнии ҳимоя қилишга тайёргарлик кўрмоқда.

Ростдан ҳам Магомед телефонларни ўчириб, машғулотдан чалғитмасликни сўрадими? Ҳа, бундай ҳолат бўлди. У жуда интизомли йигит. Машғулот жараёнида ҳеч нарса унга халал бермайди. Уни неча йиллардан бери биламан, бирга ишлаганман — Магомед доим жангга жиддий ёндашади. Шунинг учун бу гал ҳам рақибга имконият қолдирмайди, нотўғри формада жангга чиқмайди", — деди Магомедов.