27 фев 08:24
Янгиликлар

Бокс/ММА

Маҳмуд Мурадов билан жанг қилиши керак бўлган Циркуновни нокаутга учратишди + ФОТО

Хабарингиз бор, бугун тонгда АҚШнинг Невада штати Лас-Вегас шаҳрида UFC Вегас 49 турнири бўлиб ўтди.

Оқшомнинг марказий жангида россиялик 30 ёшли Ислам Махачев америкалик 35 ёшли Бобби Гринни биринчи раунднинг ўзида техник нокаутга учратди. Турнирнинг аҳамияти жиҳатидан иккинчи муҳим жангида латвиялик ўрта вазн тоифаси вакили Миша Циркунов бразилиялик Веллингтон Турманга қарши октагонга кўтарилди.

Аслида бугун Миша Циркунов - Маҳмуд Мурадов жанги бўлиши керак эди. Лекин ҳамюртимизнинг машғулот чоғида қўлидан жароҳат олгани сабабли унинг ўрнини Турман эгаллаганди. Веллингтон иккинчи раундда тирсакда йўллаган зарбаси эвазига латвиялик рақибини нокаутга учратди. Бу Миша Циркуновнинг қаторасига қабул қилган учинчи мағлубияти бўлди.