Маҳмуд Мурадов жангининг санаси ўзгарди + ФОТО

Ушбу оқшом доирасида ўзбекистонлик аралаш яккакураш устаси, собиқ UFC жангчиси Маҳмуд Мурадов ҳам октагонга кўтарилиши зарур эди. Аммо ташкилотчилар томонидан турнир санаси ўзгартирилди. Энди мусобақа 7 декабрь куни ташкил этилади.

Мурадовга бўлажак оқшомда Шимолий Ирландия вакили, собиқ UFC жангчиси Норман Парк (32-7-1) рақиблик қилади. Аралаш яккакураш усталари кеча матбуот ажуманида иштирок этишди. Ўрта вазн тоифасида ташкил этилувчи ушбу тўқнашув 3 раунд этиб белгиланган. Жанг кўргазмали мақомда ўтказилади.

Эслатиб ўтамиз, Маҳмуд Мурадов сўнгги жангини 21 сентябрь куни Oktagon 61 турнири доирасида британиялик Скотт Аскхэмга қарши ўтказиб, очколар ҳисобига кўра ғалаба қозонган эди. Бу Мурадов учун UFC'дан кетганидан кейин ўтказган илк жанги бўлганди.

Норман Парк 2012-2016 йиллар давомида UFC'да 9 та жанг ўтказиб, 5 та ғалаба, 3 та мағлубият ва 1 та дуранг қайд этган.