Маҳмуд Мурадов МPL'нинг кейинги турнири қачон бўлиши, лигада аёлларнинг иштироки, қирғизистонлик жангчининг норозилиги тўғрисида гапирди

27 февраль куни МPL томонидан учинчи ММА оқшоми ўтказилди. Лига асосчиси Маҳмуд Мурадов турнир ҳақидаги айрим саволларимизга жавоб берди.

«Турнир кўнгилдагидек ўтди. Аввалига, ҳатто аренанинг айрим секторларига мухлисларни киритишни режа қилмагандик. Лекин мана, кўриб турганингиздек, бутун арена мухлислар билан тўлди. Асосий жанг ғолиби учун шахсан ўзим ва ҳомийларимиз номидан «Спарк» автомобили берилди.

Кейинги турнимизни март-май ойларига режалаштиряпмиз ва бу Тошкентда бўлмайди. Тошкентдан узоқлашамиз. Қаерда бўлиши ҳозирча маълум эмас. Вариантлар кўп - Сирдарё, Жиззах, Самарқанд, Навоий. Лекин кўп ҳудудларда арена йўқ. Кўряпсиз, томоша қилиш учун кўп одам келди. Минг нафар мухлисга мўлжалланган спорт мажмуаси кичкиналик қилади. Кейинроқ турнирларимизни ёзги спорт ареналарида ўтказамиз.

МPL турнирларида қачон аёллар иштирок этади? Қачонки, Ўзбекистонда аёллар ММА'си Қозоғистон, Россия ёки Европадаги каби ривожланса. Бизнинг 30 ёки 50-турниримизда иштирок этишлари мумкин(кулади). 

Умар Каримов (Ўзбекистон) - Альтинбек Ашимбеков (Қирғизистон)жангги ҳақида қандай фикрдаман? Кимдир ютади, кимдир ютқазади. Ўзим ҳам кўрдим у ютқазди. Лекин тан олмади. Ҳали видео қайта кўрилади. Инстаграмга ҳам қўямиз, ҳамма унинг енгилганини кўради

Трибунага қаранг, 5 йил олдин жангларни томоша қилиш учун шунча одам келганмиди? Йўқ. ММА умуман йўқ эди. Аллоҳга шукур, бугун бизнинг шундай лигамиз бор, Президентимиз, Отабек Муҳаммадалиевич бизга шундай шароитлар яратиб беряптилар. Уларга миннатдорчилик билдираман. Биз ҳозир ёшларга эътибор беряпмиз, уларга мотивация бўлиши учун. Биз ҳаммага имконият берамиз», - деди лига президенти Маҳмуд Мурадов.