30 май 14:02
Янгиликлар

Бокс/ММА

Маҳмуд Мурадов Ўзбекистонга қайтиб келди + ФОТО

UFC`чимиз Маҳмуд Мурадов қисқа танаффусдан сўнг юртимизга қайтиб келди.

Бу ҳақда аралаш яккакураш устамиз ўзининг Instagram саҳифасида хабар берди.

"Ўзбекистонга қайтдим. Аввал айтганимдек, машғулотларнинг биринчи босқичини юртимиз тоғларида, иккинчисини эса Польшада ўтказамиз. Аллоҳ насиб қилса, сизни яна бир ғалаба билан хурсанд қилиш учун тинимсиз меҳнат қиламан", - деб ёзади Мурадов.

Маълумот учун, Маҳмуд Мурадов 28 август куни Жералд Миршертга қарши октагонга кўтарилади. Миршерт ММА`даги фаолияти давомида 46 та жанг ўтказган ва уларнинг 32 тасида ғалаба қозонган. Қолган 14 та жангда мағлуб бўлган. У фаолияти давомида Кевин Холланд, Хамзат Чимаев каби рақибларга қарши жанг қилиб, имкониятни бой берганди.