14 мар 14:01
Янгиликлар

Бокс/ММА

Маҳмуд Мурадов UFC билан 4 та жанг учун шартнома имзолади + ФОТО

Ўрта вазн тоифасидаги UFC жангчимиз Маҳмуд Мурадов дунёнинг энг кучли лигасида яна узоқроқ вақт қоладиган бўлди.

Аралаш яккаккураш устамиз ташкилот билан янги шартномага имзо чекди. Бу галги келишув 4 та жангни ўз ичига олади.

"Ассалому алайкум, азиз дўстлар. Алҳамдулиллаҳ, сизларга хушхабарим бор. Бугун UFC билан 4 та жанг учун янги шартнома имзоладим.

Мамлакатимизни дунё миқёсида намойиш этаётганимдан жуда хурсандман. Қўллаб-қувватлаганингиз учун барчангизга катта раҳмат айтмоқчиман. Барчангизни яхши кўраман ва қадрлайман. Бу фақат бошланиши!", - деди Мурадов.

Эслатиб ўтамиз, Маҳмуд Мурадов UFC'даги сўнгги жангида россиялик Алиасхаб Хизриевга қарши октагонга чиқиб, биринчи раунднинг ўн иккинчи сониясидаёқ кўзидан жароҳат олган эди. Ушбу жанг ташкилотчилар томонидан ўтказилмаган дея топилганди.