15 окт 11:12
Янгиликлар

Бокс/ММА

Макгрегор Порьега қарши жангнинг янги санасини тасдиқлади

UFC президенти Дэна Уайт икки вазн тоифасида собиқ жаҳон чемпиони Конор Макгрегор ҳамда Дастин Порье ўртасидаги жанг бу йил ўтказилмаслигини маълум қилганди.

Ирландиялик жангчи бу маълумотни тасдиқлаб, янги санани эълон қилди. Бу ҳақидаги хабарни у ўзининг "Твиттер"даги саҳифасига жойлаштирган.

"Мен тасдиқлайман! Жанг 23 январь куни ўтказилади. Мақсадим жангни Далласдаги Cowboys Stadium аренада ташкил этиш. Стадион хўжайини Жерри Жонс — менинг дўстим, у бу таклифни бажонидил қабул қилади. Мен Техасга тайёр бўлиб бораман, Техас эса менинг мухлисларимни кутиб олиш учун шай бўлади. Кейин эса Мэнни Пакьяога навбат келади", — дейди Макгрегор.