Макгрегор UFCʼнинг Чимаев борасидаги қароридан норози

Ирландияликнинг сўзларига кўра, ташкилот швециялик жангчини мусобақа кардидан чиқариб ташлаши керак эди.

"Хамзат карддан бутунлай олиб ташланиши керак эди. Тарозидан ўта олмаганлар учун қулайроқ жанглар ташкил қилиш қолганларга ёмон ўрнак бўлади. Тарози устидаги жилмайишнинг ўзи уни иштирокчилар рўйхатидан чиқариб ташлаш учун етарли сабаб эди", — деб ёзади Конор ижтимоий тармоқдаги саҳифасида.

Шунингдек, Конор Тони Фергюсонни мағлубиятга учратган Диаз ҳақида ҳам гапирди.

"Нейтни шартнома мажбуриятларини муваффақиятли бажариб, ҳақиқий супер юлдузга айлангани билан табриклайман. Адолатли жанг. Бизнинг трилогиямиз ҳали ўз кучида", — дея қўшимча қилди Конор. 

Эслатиб ўтамиз, Чимаев аслида Нейт Диазга қарши жанг қилиши лозим эди. Лекин Хамзат белгиланган вазн меъёрини бажара олмади. Шу сабабли, у америкалик Кевин Холландга қарши жанг ўтказди.