Максим Шин Анталия турнири стартида рақибини "сезмади"

Унда ҳамюртимиз Максим Шин ҳам ўз имкониятини синовдан ўтказяпти. Мамлакатимизнинг учинчи ракеткаси илк даврада туркиялик Ахмет Атабайга қарши баҳс олиб борди ва ортиқча қийинчиликсиз ғалаба қозонди - 6/0, 6/2. Бу теннисчиларнинг ўзаро илк учрашуви эди. 

Таққослаш учун, Шин айни пайтда ATP рейтингида 987-поғонадан жой олган. Атабай эса ҳали рейтингга киритилмаган. Энди Максим 1/8 финалда турнирнинг олтинчи ракеткаси Николас Ионелга қарши кортга чиқади. Дунёнинг 515-ракеткаси бўлиб турган руминиялик теннисчи бугун 1/16 финалда рейтингнинг 712-поғонасида бораётган болгариялик Янаки Милевни 6/3, 6/3 ҳисобида мағлуб этди.