“Мактаблар лигаси” мусобақалари олдидан кенгайтирилган йиғилиш ўтказилди

Ушбу йиғилишда Тошкент шаҳридаги жами 284 та умумтаълим мактабларининг катта жисмоний тарбия ўқитувчилари, болалар-ўсмирлар спорт мактаблари ва мураббийлари иштирок этишди.

Тошкент шаҳар жисмоний тарбия ва спорт бошқармаси, Халқ таълими бош бошқармаси томонидан ўтказилаётган мазкур лига мусобақаларининг тартиб қоидалари билан таништирилди.
Унга кўра, мусобақалар 4 та босқичда ўтказилиши белгиланди. Яъни, 1-босқич мактаб босқичи - 1-17 март кунлари синфлараро,  
2-босқич сектор босқичи - 1 апрел – 25 май кунлари сектордаги мактаблараро, 3-босқич туман босқичи - 5 июнь – 31 август кунлари  тумандаги сектерлараро, 4-босқич шаҳар босқичи - 5 сентябрь – 29 сентябрь кунлари шаҳар босқичидир.

Шаҳар босқичига, туманларда 1- ва 2- ўринларни эгаллаган жамоалар йўлланма олишади.

Мусобақа босқичлари айланма тизимида ўтказилади.

Шунингдек, мазкур мусобақада айнан шу спорт турлари билан мунтазам равишда шуғулланиб келаётган ёшлар иштироки тақиқланади.
Эслатиб ўтамиз, ушбу мусобақаларга жами 30 672 ўқувчи-ёшлар (шундан 15336 нафари қизлар)жалб қилинади.

Шу билан бирга, мусобақа бош ҳакамлари билан ҳам таништирилди.

Баскетбол –  Шукуров Иброҳим  Рихсибаевич. Олмазор тумани 2-БЎСМ директори.  

Волейбол – Қурбонов Меҳри Азизбаевна. Миробод тумани 2-БЎСМ директори.

Гандбол – Туркменов Мухаммаджон Давронович. Яккасарой тумани 2-БЎСМ директори.

Шунингдек, ҳар бир туманга мусобақаларнинг қуйи босқичларини юқори савияда ўтказиш, ҳакамлар билан таъминлаш бўйича болалар-ўсмирлар спорт мактаблари директорларидан иборат ишчи гуруҳлари маъсул этиб тайинланди.

Мусобақаларнинг тантанали очилиш маросими 2018 йил 1 март куни соат 15:00 да Миробод туманидаги спорт ўйинларига ихтисослашган болалар-ўсмирлар спорт мактабида бўлиб ўтади.