Малихин тарихда бир вақтнинг ўзида учта камарни қўлга киритган илк жангчига айланиши мумкин

Малихин 1 март куни Қатарнинг Лусаил шаҳрида ташкил этиладиган ONE 166 турнирида нидерландиялик Ренье де Риддерга қарши жанг ўтказади. Риддер айни пайтда ўрта вазн тоифаси чемпиони бўлиб турибди. 93 кг вазн тоифасидаги айнан шу тўқнашув ONE 166 турнирининг марказий жанги бўлади. 

Ўтган йилнинг декабрь ойида россиялик чемпион де Риддерни биринчи раунддаёқ техник нокаутга учратиб, унинг яримоғир вазндаги ONE FC камарини тортиб олганди. Шу йилнинг июнь ойида эса у Аржан Булларни учинчи раундда техник нокаут билан енгиб, оғир вазндаги вақтинчалик ва амалдаги ONE FC камарларни бирлаштириб олган эди. 

Маълумот учун, Ренье де Риддер Малихиндан қабул қилиб олган мағлубиятига қадар 16 ғалабали серия билан келаётганди. Жангларидан 14 тасини муддатидан аввал якунлаганди. "Нидерландиялик рицар" реванш жангда камарини қайтариб олиш уриниб кўради.