06 май 12:12
Янгиликлар

Теннис

Мальоркадаги ATP турнири расман бекор қилинди

Испаниянинг Мальорка шаҳрида ATP турнири ўтказилмайди.

Жорий 2020 йилда Mallorca Championships турнири илк бор ташкил этилиши керак эди. ATP тақвимида мусобақанинг ўтказилиш санаси сифатида 21-27 июнь кунлари кўрсатилганди.

Лекин турнир ташкилотчилари Халқаро теннис федерацияси билан келишган ҳолда Мальоркадаги турнирни келаси йилдан бошлаб ўтказишга қарор қилишди. Бунга коронавирус пандемияси сабаб бўлган. Соврин жамғармаси 900 минг еврони ташкил қилувчи мусобақа 2021 йилнинг 19-26 июнь кунлари бўлиб ўтади.