15 апр 12:27
Янгиликлар

Футбол

"Манчестер Сити" 16 ёшли болага 40 миллион евро тўламоқчи

"Манчестер Сити" яна бир вундеркинд билан шартнома имзоламоқчи.

"Ман Сити" "Палмейрас" қанот ҳужумчиси Эдуардо Консейсаони ўз сафига қўшиб олишни истамоқда ва 16 ёшли футболчи учун 40 миллион еврога яқин келишувга эришмоқчи. Шунингдек, ушбу ўйинчига ПСЖ, "Челси" ва "Барселона" клублари ҳам қизиқмоқда. Барча уч клуб ўйинчи ва унинг вакиллари билан фаол музокаралар олиб бормоқда.

"Палмейрас" эса аксинча, ҳеч кимнинг таклифини қабул қилишга шошилмаяпти, зеро ўйинчи 18 ёшга тўлгунча барбир жамоани тарк этмайди.