"Манчестер Сити" Рамоснинг атрофидаги вазиятни кузатмоқда

ESPN хабарига кўра, "Манчестер Сити" мутасаддилари ёзда эркин агентга айланадиган футболчининг "Реал"даги вазиятини диққат билан кузатмоқда.

"Шаҳарликлар" бош мураббийи Пеп Гвардиола Рамосга ишонади ва унинг трансферидан фақат хурсанд бўлади. 

"Сити" раҳбарияти бу келишувни амалга ошириш қийин бўлишини яхши тушунади. Рамос март ойида 35 ёшга тўлади, аммо у ҳамон юқори савияда ўйгай олишига ишонади. "Қироллик клуби" сардори билан шартнома имзолаш инглизлар учун қизиқ туюлмоқда, чунки бу футболчи жамоага ўзининг етакчилик сифатларини қўшиши мумкин.

"Ман Сити" Рамос эркин агентга айланса, унинг барча молиявий талабларини қондиришга тайёр. 

Айни пайтда "Реал" Серхио билан ҳамкорлик муддатини 2023 йилга қадар узайтириш бўйича музокара ўтказмоқда. Томонлар ҳозирча келиша олишмаяпти.

Испаниялик ҳимоячи 1 январдан бошлаб бошқа клублар билан музокара олиб бориш ҳуқуқига эга.