24 дек 14:08
Янгиликлар

Футбол

"Манчестер Юнайтед" Аргентина терма жамоаси ярим ҳимоячиси учун курашда "Ливерпуль"дан олдинда

"Бенфика" ва Аргентина терма жамоаси ярим ҳимоячиси Энцо Фернандесга бир неча АПЛ клублари қизиқиш билдирмоқда.

Журналист Бруно Андраденинг қайд этишича, "Манчестер Юнайтед" 21 ёшли футболчи учун курашда "Ливерпуль"дан олдинда. "Қизил иблислар" рақобатдан қочиш учун 120 миллион евролик товон пулини тўлашга тайёрлар.

Фернандес 2022 йилдан бери "Бенфика" ўйинчиси ҳисобланади. У жорий мавсум Португалия клуби сафида барча мусобақаларда 24та ўйинда майдонга тушиб, 3та гол ва 5та ассист қайд этди.

Аргентиналик жаҳон чемпионати-2022да турнирнинг энг яхши ёш ўйинчиси деб топилди.