"Манчестер Юнайтед" Френки де Йонгни қўлга киритиши мумкин

"Барселона" клуб ҳолатини бироз мувозанатга келтириш учун нидерландиялик футболчига рухсат бериб юбориши кутилмоқда. "Қизил иблислар" узоқ вақтдан буён 25 ёшли футболчининг мухлиси бўлиб келишган ва ўтган ёзда уни ўзиники қилиш учун курашган эди. Бироқ АПЛ вакилининг барча саъй-ҳаракатлари бекор бўлган эди.

Маълум қилинишича, Каталония клуби Нидерландия терма жамоаси вакилининг "Камп Ноу"дан кетиш нархини 70 млн фунт этиб белгилади. Манкунианлар агар етарли маблағга эга бўлса, ушбу талабни қондиришга тайёр экани айтилмоқда.