Марадона "Худонинг қўли" билан гол урган тўп аукционда дахшатли суммага сотилди

Лот 3,35 миллион долларга сотилди, бу эса ташкилотчиларнинг дастлабки баҳолашидан анча паст бўлиб чиқди — улар бунинг учун 10 миллион доллар олишни режалаштиришган эди. Савдолар шанба куни 2,5 миллион доллардан бошланди. Таққослаш учун, Марадонанинг ўша ўйиндаги либоси 2022 йилда "Sotheby's" аукционида деярли 9,3 миллион долларга сотилган эди. Бундан ташқари, ушбу тўп ҳатто тарихдаги энг қиммат спорт тўпига ҳам айлана олмад.

Тўпнинг алоҳида мақоми унинг жанжалли тарихи билан боғлиқ: Марадона биринчи голни VAR тизими йўқлиги сабабли ҳакам томонидан пайқалмай қолган қўли билан урди, иккинчисини эса бир неча дақиқадан сўнг қоидалар бўйича майдоннинг ярмини тўп билан босиб ўтиб ва беш нафар рақибни алдаб ўтиб урди ҳамда жамоасига 2:1 ҳисобида ғалаба қозонишга ёрдам берди. Оқибатда Аргентина терма жамоаси ўша жаҳон чемпионатида ғолиб чиқди.