20 ноя 19:21
Янгиликлар

Теннис

Мария Тимофеева Люксембург турнирида 1/4 финалга чиқди

Ўзбекистоннинг биринчи ракеткаси Люксембургнинг Петанж шаҳрида давом этаётган теннис бўйича ITF W75 турнирида муваффақиятли одимламоқда.

Бироз аввал теннисчимиз 1/8 финалда WTA рейтингида 440-поғонада бораётган германиялик Мина Ходжични 6/4, 6/3 ҳисобида мағлубиятга учратди. Учрашув 97 дақиқа давом этган.

Маълумот учун, 22 ёшли Мария Тимофеева ҳозирда WTA рейтингида 151-ўринни эгаллаб турибди. Вакиламизнинг 1/4 финалдаги рақибаси кечроқ маълум бўлади.