Марко Спиттка билан чиройли хайрлашилди + ФОТО

Германиялик мутахассис Ўзбекистонда аёллар дзюдосининг ўсиш динамикасига ўз ҳиссасини қўшган мураббийлардан ҳисобланади. Диёра Келдиёрованинг Олимпиада чемпиони бўлишида ҳам жаноб Спиттканинг хизмати катта бўлган. Оилавий сабабларга кўра германиялик мутахассис фаолиятини ўз мамлакатида давом эттиришга қарор қилди. 

Ўзбекистон дзюдо федерацияси Марко Спиттканинг бу қарорини ҳурмат қилади. Унинг келгуси фаолиятида омад тилаймиз. Федерация раиси Азизжон Камилов ҳурмат белгиси сифатида Спитткага бир неча йиллик ҳамкорлик учун миннатдорлик билдирди ва унга зарбоп чопон кийдирди.

Марко Спиттка фаолиятини Германия аёллар терма жамоасида давом эттиради.