Марсело Бьелса: "Ўзбекистон жисмонан кучли ва ҳаракатчан жамоа ва шу жиҳатлари билан Доминикан Республикасидан фарқ қилади"

"Халқаро учрашувлар ҳар доим биз учун синов бўлади, айниқса рақиб жамоада Фабио Каннаваро каби юқори малакали мураббий бошчилик қилаётган бўлса.

Жаҳон чемпионати келаси йили бўлиб ўтади, бу катта масъулият юклайди. Бундай нуфузли мусобақага пухта тайёргарлик кўриш ғоят муҳим.

Бугунги кунда барча ўйинлар, ФИФА рейтингидан қатъи назар, тенг кучли рақиблар ўртасида ўтади. Ҳеч қачон ўйин осон ёки қулай бўлишини кутмайсиз. Оддий учрашув бўлишини тасаввур ҳам қила олмайсиз. Футболда нима бўлишини башорат қилиш мақсадга мувофиқ эмас, чунки бу спорт турида натижалар олдиндан номаълум бўлади", деди 70 ёшли мутахассис.

Шунингдек, чап қанот ҳимоячиси Марсело Сараччи шундай фикр билдирди:

"Қизиқарли ўйин бўлади, чунки унда кейинги жаҳон чемпионатига йўлланма олган икки жамоа беллашади. Кўплаб футболчилар учун бу муҳим синов ва биз ўзимизнинг энг яхши ўйинимизни кўрсатишимиз керак.

Доминикан Республикаси билан таққослаганда, Ўзбекистон жисмонан бақувват, кучлироқ ва ҳаракатчан жамоа. Жаҳон чемпионати олдидан эса уларнинг тайёргарлиги анча юқори мотивация билан ўтмоқда", деди жамоа сардори.

Эслатиб ўтамиз, Ўзбекистон - Уругвай учрашуви бугун, 13 октябрь куни Тошкент вақти билан соат 17:45да бошланади.