Мас-рестлинг: вакилларимиз жаҳон кубоги босқичида иштирок этади

Мазкур мусобақада иштирок этиш учун Ўзбекистон спорт делегацияси тренер Илгам Кадиров бошчилигидаги Насимжон Раджабов, Олесия Гуреева ва Илёс Кадиров каби спортчилар билан жўнаб кетишган. Ушбу мусобақада иштирок этувчи вакилларимизнинг харажатлари Жисмоний тарбия ва спорт вазирлиги томонидан таъминланади.
Мазкур жаҳон кубоги Халқаро мас-рестлинг федерацияси тартиб-қоидаларига мувофиқ бир йилда бир маротаба ўтказиладиган нуфузли халқаро мусобақа ҳисобланади.
Жаҳон кубогида спортнинг мас-рестлинг тури бўйича дунёнинг 31 та давлатидан 500 нафарга яқин энг кучли спортчилар иштирок этади. Бу эса ўз ўрнида мас-рестлинг спорт тури бўйича Ўзбекистон терма жамоаси аъзоларининг жисмоний ҳолатини текшириш ва келгуси мусобақаларга юқори натижага эришиш учун тайёргарлик кўриш вазифасини бажаради.