02 окт 09:41
Янгиликлар

Бокс/ММА

Машҳур фармацевт: “Оксилофрин кленбутеролдан анча кучли”

Дунёга машҳур фармацевт Виктор Конте бугунги кундаги энг долзарб масалалардан бири бўлган допинг мавзусига тўхталди.

Конте ўз вақтида BALCO компанияси орқали тақиқланган моддаларни тарқатгани учун судланган эди. У айни пайтда Scientific Nutrition for Advanced Conditioning (SNAC) спорт тайёргарлик марказини бошқаряпти. Бу ерда яқиндагина допингга тушиб қолган ўрта вазнда WBO чемпионлик камарига даъвогар Деметриус Андрейд ҳам машғулот ўтказади.

Фармацевтнинг сўзларига қараганда, ўрта вазн тоифасида WBO йўналиши чемпиони Билли Жо Сондерснинг қон таркибида аниқланган оксилофрин препарати сўнгги пайтларда жиддий қабул қилинган кленбутерол моддасидан анчагина кучли экан.

Конте оксилофрин ва бошқа стимуляторлар вазн ташлаш, тезлик, куч ва энергияни ошириш учун ёрдам беради. Сондерс оксилофрин ёрдамида ўз вазнини 14 (!!!) килограммга камайтиришга эришган.