Маскерано "Интер Майами" бош мураббийи лавозимини тарк этиш сабабини тушунтирди

"Барчага маълум қилмоқчиманки, шахсий сабабларга кўра "Интер Майами" бош мураббийи вазифасини тугатишга қарор қилдим.

Аввало клубга менга ишонч билдиргани учун, ҳар бир ходимга биргаликдаги саъй-ҳаракатлари учун, айниқса ўйинчиларга раҳмат айтмоқчиман. Улар туфайли биз унутилмас лаҳзаларни бошдан ўтказдик. Шунингдек, мухлислар ва "Ла Фамилия"га раҳмат, чунки уларсиз бунинг ҳеч бири бўлмас эди.

Қаерда бўлсам ҳам бизнинг биринчи юлдузимизни (Маскерано даврида "Интер Майами" МЛС Кубогини ютган) хотирамда сақлайман ва клубга келажакда барча яхшиликларни тилайман. Клуб муваффақиятларни давом эттиришига шубҳам йўқ.

Барчангизга катта салом ва ҳамма нарса учун раҳмат", — деди Маскерано.