16 дек 09:37
Янгиликлар

Бокс/ММА

Матбуот анжуманида Дана Уайтдан шартнома сўраган тожикистонлик жангчи Лига йўлланмаси учун октагонга чиқди

Тожикистонлик ММА жангчиси Доробшох Наботов Zombie Fight Night турнирида иштирок этди.

Наботов октябрь ойида Абу-Дабидаги UFC 308 турнирида Лига раҳбари Дана Уайт иштирокидаги матбуот анжуманида қатнашиб, ундан шартнома учун жанг қилиш имкониятини сўрагани билан машҳур бўлганди.

Ўшанда Дана Уайт агарда Наботов навбатдаги жангида ғалаба қозонса, бу вариантни кўриб чиқишга ваъда берганди. 14 декабрь куни Наботов Кореядаги турнир доирасида бразилиялик Матеус Камилльога очколар ҳисобига кўра мағлуб бўлди.

Дана Уайтнинг ўзи ҳам турнирга боришни режалаштирган, бироқ Кореядаги ҳарбий ҳолат туфайли бу ташриф амалга ошмай қолди.