24 апр 11:12
Янгиликлар

Бокс/ММА

Матеуш Гамрот навбатдаги жанги учун шартнома имзолади

Енгил вазн тоифаси UFC рейтингида еттинчи ўринни эгаллаб турган польшалик аралаш яккакураш устаси октагонга қайтмоқда.

Бу ҳақда Матеуш Гамротнинг ўзи ижтимоий тармоқлардаги саҳифаси орқали хабар берди.

"Шартнома имзоланди", – деб ёзган Гамрот.

Ҳозирча расман унинг жанги кимга қарши ўтказилиши айтилмаяпти. Катта эҳтимол билан Матеуш 21 июнь куни Озарбайжон пойтахти Боку шаҳрида ўтказиладиган UFC турнирида мезбонлар вакили Рафаэль Физиевга қарши октагонга чиқади. Бу Гамрот учун реванш мақомидаги жанг бўлади.

Эслатиб ўтамиз, польшалик спортчи сўнгги жангини 2024 йилнинг август ойида Дэн Хукерга қарши ўтказиб, ҳакамларнинг айри қарори (1:2) билан очколар ҳисобига кўра имкониятни бой бериб қўйганди.