"Махачев билан жанг қилмоқчи эдим". Усман дю Плессига жавоб берди

"Мен февраль ойиданоқ жанг қилишга тайёр эдим — ўшандаёқ жанг сўрагандим. Менга эса: “Биз ҳали билмаймиз”, деб жавоб беришди. Ҳаммамиз қайси жангни хоҳлаганимни яхши биламиз. Мен айнан шу жангни истардим. Ўйлайманки, саҳна ортида кўплаб жараёнлар бўлган. Энди эса Илия билан Ислам ўртасида жанг ташкил қилишга уринишгани ҳақида турли гапларни эшитяпмиз. Мен эса аввалданоқ Ислам билан жанг қилишни хоҳлаганман.

Шунинг учун бу орқа фондаги ишлар анча чўзилиб кетди. Кейин Дрикуснинг номи тилга олинди. Менга жанг таклиф қилинмади, фақат унинг номи айтилди. Мен эса: “Ҳа, майли. Менга фақат чемпионликка олиб борадиган имконият керак. Мен шуни хоҳлайман. Агар менга титул учун жанг бермасангиз, унда мени титулга яқинлаштирадиган рақиб беринг”, дедим.

Шунинг учун бу жанг менга таклиф қилинмаган, фақат тилга олинган эди. Кейин мен: “Хўп, Майамида жанг қиламиз”, дедим. Ҳатто буни ўзим сўрадим ҳам. Кейин эса улар: “Ҳа, Майами жуда яқин, у тайёр бўлмаслиги мумкин”, дейишди. Охир-оқибат ҳам шундай бўлди.

Мен жанг бекор бўлди, умуман бўлмайди деб ўйлагандим. Кейин эса: “Эҳтимол, жанг бўлиб қолар”, деган гаплар чиқди. Табиийки, бундай даражада логистик масалаларни ҳал қилиш керак бўлади ва айнан шу ишлар кетган. Ниҳоят, жанг расман эълон қилинди. Шунда мен: “Жин урсин, бу жанг ҳақиқатан ҳам бўлади шекилли. Унда тайёргарликни бошлайман”, дедим", — деди Усман.

Эслатиб ўтамиз, Усман аввалданоқ UFC чемпиони Ислам Махачев билан жанг қилиш истагини билдирган эди.