Махачев: "Гэрри менга жиддий жанг таклиф қилди, деб бўлмайди"

"Энг муҳими — ғалаба. Лекин жанг бироз осонроқ ўтади, деб режалаштирган ва ўйлаган эдим. Аммо рақиблар ҳам тайёргарлик кўришяпти ва ҳар сафар тобора қийинлашиб бормоқда. Рақиблар ҳар сафар кучлироқ бўляпти. Демак, мен ҳам жанглар осонроқ ўтиши учун янада кўпроқ ишлашим керак.

Гэррининг услуби жуда ноқулай, унга яқинлашиш жуда қийин. Қўллари ва оёқлари узун. Унда очиқ қоладиган ягона жой — олдинги оёғи эди. Мен доимо шу жойга кириб, тейкдаунлар амалга оширдим.

Фақат орқага ҳаракат қиладиган бундай рақиб билан чиройли ва томошабоп жанг намойиш этиш жуда қийин. Қандай бўлган бўлса, шундай бўлди. Аммо жанг оғир кечди. У менга қандайдир жиддий қаршилик кўрсатди, нимадир ўхшамади, деб бўлмайди. Ҳаммаси режадагидек бўлди, шунчаки жанг шу тарзда кечдики, шошилмасдан уни ҳакамларнинг қароригача олиб боришга тўғри келди", дейди Махачев.