"Махачев - Макгрегор жанги UFC тарихидаги энг буюк тўқнашувга айланиши мумкин" - мураббий

"Мен ҳеч ҳам хафа бўлмадим. Бу Худонинг иродаси. Биз фақат У биз учун белгилаган йўлдан кетамиз. Тўғрисини айтсак, Исламнинг ярим ўрта вазнда рақиблари етарли. Унинг янги босқичга чиқиши учун Топурия шарт эмасди.

Балким, ўша ирландиялик йигит — Конор Макгрегор қарор қилса... Агар у 11 июль куни ғалаба қозонса, нега энди йўқ? У чақирувга тайёр бўлади, биз ҳам тайёр бўламиз. Ростини айтсам, балки унинг ғалаба қозонишини ҳам истамаётгандирман. Лекин агар ютса ва ўзи ҳам хоҳласа, бу вариантни муҳокама қилишимиз мумкин.

Бу жанг аҳамияти жиҳатидан кам бўлмайди, балки ундан ҳам каттароқ воқеага айланиши мумкин. Агар Конор ғалаба қозонса, менинг назаримда, бу янада йирик ҳодиса бўлади. Агар шундай бўлса, эҳтимол UFC тарихидаги энг буюк жангни кўришимиз мумкин. У бу қарама-қаршиликка жуда катта қизиқиш олиб киради. Агар менда орзулар рўйхати бўлганида, айнан шу жангни танлаган бўлардим", — деди Мендес Submission Radio подкастида.