Махачев Холлоуэйга жавоб қайтарди: "Буни сен тушунишинг қийин"

Холлоуэй россиялик чемпионнинг омма олдида иккита камар билан кўриниш бераётганидан ҳайронлигини билдирган эди, ваҳоланки, у фақат ярим ўрта вазн тоифасида амалдаги UFC чемпиони ҳисобланади. Ислам енгил вазндаги чемпионлик камаридан эса ўтган йили воз кечган.

"Билмадим, биродар. Ҳатто уларни шунчаки ушлаб туришнинг ўзи ҳам жуда қийин. Лекин буни сен тушунишининг, сенга тушунтиришим қийин, узр", – деб ёзди россиялик спортчи америкалик жангчининг сўзларига изоҳ берар экан.

Якшанба куни Филадельфияда бўлиб ўтган UFC 330 турнирида Ислам Махачев ярим ўрта вазн тоифасидаги чемпионлик камарини илк бор муваффақиятли ҳимоя қилди. У беш раунд якунларига кўра ҳакамларнинг якдил қарори билан ирландиялик Йен Мачадо Гэррини мағлуб этганди.

Кетма-кет ўн еттинчи ғалабасини қўлга киритган Махачев UFC тарихидаги энг узун ғалабали серия бўйича янги рекорд ўрнатди ва афсонавий бразилиялик Андерсон Сильванинг 13 йил давомида сақланиб келган аввалги рекордини янгилади.