Махачевнинг мураббийи қандай ҳолатда Топурия билан жанг бўлиши мумкинлигини айтди

"Топурия ва Махачев ўртасидаги жанг — бу ҳозирги пайтда UFCдаги энг асосий жанг ҳисобланади. Аввал бундай жанг сифатида Жонс — Аспиналл қарама-қаршилиги кўрсатилган эди. Аммо агар Ислам кейинги жангини ютса, ундан сўнг Топурия билан тўқнаш келади.

Топурия ўзининг Исламга қарши эҳтимолий жангини қандай тарғиб қилаётгани менга ёқмоқда. Бу орқали у кўпчиликнинг эътиборини тортмоқда. У қанчалик кўп "треш-ток" қилса, шунчалик кўпроқ мухлислар ушбу жангни кўришни хоҳлайди. Шу билан бирга, Топуриянинг жангчи сифатида қилаётган ишлари ҳам фахрланишга арзийди. У жуда кучли ва вазн тушириш билан муаммоси йўқ.

Унга қарши жанг — Ислам учун ажойиб имконият. Махачевнинг асосий мақсади — ярим ўрта вазндаги (77 кг) чемпионлик камарини қўлга киритиш. Агар у бу камарни олса, ундан кейин ёки биз енгил вазнга тушамиз, ёки Топурия юқорига чиқади. Аммо UFC буларнинг ҳеч биридан манфаатдор бўлмаса, бу рўй бермайди. Энг аввало, биз навбатдаги жангда ғалаба қозонишимиз керак", — деди Мендес Bloody Elbow нашрига.