Май ойи учун FIDE рейтинги эълон қилинди. ТОП-100`таликда 3 гроссмейстеримиз

Рейтингни ҳамон норвегиялик Магнус Карлсен (2853) бошқариб бормоқда. У ўтган йили шахмат тожидан ўзи хоҳишига кўра воз кечганди. Россиялик гроссмейстер Ян Непомняший иккинчи ўринни сақлаб қолган бўлса, янги жаҳон тожи соҳиби Дин Лижэнь кучли учликка якун ясаган. Хитойлик шахматчи жаҳон чемпионлиги учун кечган турнирда айнан Непомняшийни мағлубиятга учратиб, 17-жаҳон чемпионига айланган эди. 

FIDE ТОП-100 рейтингидан 3 нафар ўзбекистонлик гроссмейстер ўрин олган. Рапид йўналишида жаҳон чемпиони Нодирбек Абдусатторов (2731) 19-ўринни эгаллаб турибди. Рустам Қосимжонов 68, Жавоҳир Синдаров 82-поғонадан жой олган. 

FIDE рейтинги. 1 май кунги ҳолат

1. Магнус Карлсен (Норвегия) – 2853.

2. Ян Непомнящий (Россия) – 2794.

3. Дин Лижэнь (Хитой) – 2789.

4. Алиреза Фируджа (Франция) – 2785.

5. Хикару Накамура (АҚШ) – 2775.

6. Аниш Гири (Нидерландия) – 2768.

7. Фабиано Каруана (АҚШ) – 2764.

8. Уэсли Со (АҚШ) – 2760.

9. Вишванатан Ананд (Ҳиндистон) – 2754.

10. Теймур Ражабов (Озарбайжон) – 2747…

19. Нодирбек Абдусатторов (Ўзбекистон) – 2731...

68. Рустам Қосимжонов (Ўзбекистон) – 2669...

82. Жавоҳир Синдаров (Ўзбекистон) – 2661.