Майк Тайсон ака-ука Кличколарнинг Россияга қарши урушига муносабат билдирди

Америкалик афсонавий боксчи Майк Тайсон Украинанинг Россия Федерациясига қарши урушида Виталий ва Владимир Кличколарнинг иштирокига муносабат билдирди. У украиналикларни қўллаб-қувватлади.

"Мен ака-ука Кличколарни биламан. Биз бир-биримизни жуда яхши таниймиз. Лекин охирги пайтларда улар билан алоқада бўлмадим. Тарихидан маълумки, украинлар иродали халқ. Улар рус халқи билан азал-азалдан шундай бўлишган. Ким билан жанг қилишган? Руслар билан. Бу уруш фойдани кўзлаб уюштирилган. Чунки Россия Украинага ҳомийлик қилган. Ҳозирда кўп одамлар қатнашаёгани учун бу инсоният урушига айланмоқда", - деди Тайсон Fox Business билан суҳбатда.

Шунингдек, Майк Тайсон Владимир Кличко билан эҳтимоллий хайрия жанги ҳақида ҳам гапирди.

"Менимча, бизга хайрия жангидан кўра кўпроқ нарса керак. Биз буни жуда жиддий қабул қилишимиз лозим. Ҳозир улар энг муҳим ишни қилишяпти. Бундан ортиқ хайрия қила олмаймиз", - дея қўшимча қилди Тайсон.