10 окт 11:44
Янгиликлар

Бокс/ММА

Майк Тайсон нима учун UFC’да ҳеч қачон жанг қилмаслигини тушунтирди

Халқаро бокс шон-шуҳрат залининг 59 ёшли аъзоси, супероғир вазнда собиқ мутлақ жаҳон чемпиони, афсонавий Майк Тайсон нима учун UFC’да жанг қилмаслигини айтди.

"UFC’нинг энг яхши беш жангчиси бир бўлиб менинг маошимга тенглаша олмайди", - деди Майк Тайсон HardRockBet’нинг ижтимоий тармоқдаги саҳифасида эълон қилинган видеода.

Маълумот учун, Тайсон кейинги жангида америкалик яна бир афсона Флойд Мейвезерга қарши рингга кўтарилади. Майк сўнгги жангини 2024 йил 14 ноябрь куни америкалик блогер-боксчи Жейк Полга қарши ўтказиб, ҳакамлар қарорига кўра мағлуб бўлганди. Мейвезер эса 2024 йил август ойида кичик Жон Готтига қарши жанг ўтказган эди. Жанг тўлиқ саккиз раунд давом этган бўлса-да, якунда ғолиб эълон қилинмаганди.